يشرح الاستاذ محمود الطريقة العملية لتحديد الموقع الصحيح للأصبع على زند الكمان لاستخراج النوتة الصحيحة.
محمود سرور:
"ممكن اجيب احط علامات في الكمانجة تبينلي مكان لإن الدنيا على بعضها الدنيا سايحة في الكمانجة أنا مش باين قدامي أنا بقولكو كده بالنظر كده بعد من البنجق لأول لا في مثلا اتنين سنتي وبعدين من اللا للسي في اتنين سنتي بالنظر كده وبعدين السي لازق فيها علطول الدو يعني صول لا بعدها باتني سنتي بعدها باتنين سنتي السي بعدها بسنتي علطول أو لازق فيها بتلاقي الدو.
طب هل يا استاذ محمود أنا الدنيا كده عايمة بالنسبالي أنا كده مش راسي مفيش حاجة امسك عليها هقولك آه تعالى بعد كده نجيب عارف السولوتيب اللي هو بتاع الكهربائي أو أي علامة حتى لو بقلم فولوماستر أو بقلم رصاص ممكن تحط علامة على مكان الحرف اللي انت عايزه يبقى بمثابة زي دستان بتعرفك مكان النوتة فين فهعمل إيه اجيب كمانجتي واقول الصول (يعزف الاستاذ محمود التمرين).
فاتح التيونر قدامي كاتبلي جي يعني صول وبعد كده باحط صوباعي (يعزف الاستاذ محمود التمرين) فممكن أحط صوباعي يبقى مش مظبوط يبقى (يعزف الاستاذ محمود التمرين) لأعشان اظبط المسافة الاتنين سنتي دي (يعزف الاستاذ محمود التمرين) افتح التيونر قدامي لغايط ما يكتبلي حرف أيه اللي هو علامة لا لما يكتبلي حرف أيه اللي هي علامة لا (يعزف الاستاذ محمود التمرين).
اعرف إن ده مكان اللا اقوم جايب القلم بتاعي الرصاص واقوم معلم تحت صوباعي بالظبط اعلم تحت صوباعي بالظبط ابدأ إن أنا كده ابقى حطيت علامة زي ما أنا كده احط طوبة احط طوبة اعرف بيها مكان اللا عشان وأنا بعزف بعد كده لما آجي ابقى عارف إن أنا هدوس بصوباعي ع العلامة لما ادوس بصوباعي ع العلامة هتعملي نوتة اللا وكذلك نفس الكلام أكمل اجيب التيونر قدامي واحط إيدي صوباعي على نوتة سي (يعزف الاستاذ محمود التمرين).
لما تيجي السي مظبوطة معايا على التيونر اقوم بردو بالقلم وحاطط علامة على نوتة سي اجيب القلم بتاعي واحط علامة على نوتة سي لما احط علامة على نوتة سي واكتبلها بالقلم هتبان النوتة قدامي ده مكانه لما آجي اعزف بعد كده اروح حاطط أول حاجة أول وتر مفتوح (يعزف الاستاذ محمود التمرين) واروح حاطط صوباعي على أول علامة هتديني اللا (يعزف الاستاذ محمود التمرين) واروح حاطط صوباعي على تاني علامة (يعزف الاستاذ محمود التمرين) هتديني السي (يعزف الاستاذ محمود التمرين) وكذلك الدو (يعزف الاستاذ محمود التمرين).
أعمله علامة بالقلم أو بالسولوتيب اللي هو بتاع الكهربا بتاع الأدوات الكهربائية ألزق حتة مكان الدو وحتة مكان السي وحتة مكان اللا بحيث إن أنا بعنيا كده أبقى شايف واحط صوباعي على السولوتيباية اللي أنا خلاص حطيتها دستور بالنسبالي عشان اظبط نوتة لا ونوتة سي ونوتة دو الحصة الجاية نكون قدرنا نزاكر الأربع نوت دول بشكل مياه آخد قوسي أفرده في المكان السليم إيدي في الميزان السليم مسكة الكمانجة في الشكل السليم الكوع لجوة ابدأ إن أنا آخد وتر فاضي (يعزف الاستاذ محمود التمرين) واطلعه (يعزف الاستاذ محمود التمرين) وتر فاضي (يعزف الاستاذ محمود التمرين) واطلعه (يعزف الاستاذ محمود التمرين).
وبعدين احط صوباعي على أول علامة حطيناها بالسولوتيب أو بالقلم (يعزف الاستاذ محمود التمرين) واطلعه (يعزف الاستاذ محمود التمرين) ماشيلش صوباعي الصوباع اللي بيتحط في المكان ماشيلوش اربع خمس ست عشر مرات طالع نازل (يعزف الاستاذ محمود التمرين) قوس كامل (يعزف الاستاذ محمود التمرين) كل ما ضغطت كويس على المراية كل ما اتحسن الصوت يعني لو أنا ضاغط براحة (يعزف الاستاذ محمود التمرين).
هيطلع صوت خايس صوت خايف صوت مهزوز لو ضغطت جامد على المراية باطلع الصوت سليم (يعزف الاستاذ محمود التمرين) باضغط ع المراية كويس وباضغط بالقوس كويس بيبدأ يطلع القوس معايا سليم (يعزف الاستاذ محمود التمرين) طلع الصوت سليم يبقى عندي صول (يعزف الاستاذ محمود التمرين).
أنا عايز اشتغل في الحرفين دول بس صول واللا انزل صول واطلع لا انزل صول واطلع لا أدوس جامد عشان أوصل للنوتة السليمة الفريكونسي مظبوط صوت كبير من القوس وبعدين التمرين اللي بعديه هقول من اللا للسي (يعزف الاستاذ محمود التمرين) ساعة إيه المشكلة اقعد اقول لا سي كده ساعة احفظ إيدي مكان النوتة لازم احفظ إيدي مكان النوتة إيدي لازم تعرف مكان اللي هي نازلة فيه فين وبعد ما اخلص ساعة كده أمسك بردو مع نفسي من السي للدو (يعزف الاستاذ محمود التمرين) نازل سي (يعزف الاستاذ محمود التمرين) طالع دو (يعزف الاستاذ محمود التمرين) نازل سي (يعزف الاستاذ محمود التمرين).
حلو يبقى أول حاجة هقول صول ولا (يعزف الاستاذ محمود التمرين) ساعة إيه المشكلة ساعة حرفين بعديها بعد الساعة ما تخلص اقوم ماسك اللا والسي الحرفين اللي بعدهم (يعزف الاستاذ محمود التمرين) ساعة كمان إيه المشكلة إيه المشكلة ساعة كمان بعد كده ساعة كمان سي والدو (يعزف الاستاذ محمود التمرين) ساعة كمان تمام.
والحصة الجاية إن شاء الله نربط العلاقات ببعضها شكرا ليكو."
